TOKIA: Euskara/ Hondartza
Turismo Zarautzwww.turismozarautz.com

HONDARTZA

Hondartza

Zarauzko hondartza, 2.500 metroko luzerarekin, Gipuzkoako handiena eta diziplina anitzetako eremua da, era askotako jendea eta irudiak izaten dituena. Familiak, surflariak eta izadizaleak aldi berean elkartzen dira hareatza horretan, hiru gunetan banaturik: mendebaldeko muturrean, familiak eta bainu-hartzaileak; erdialdean, surflariak; eta ekialdeko muturrean, dunak, flora eta fauna mota ugariren bizilekua.

Itsas pasealekua ezin hobeki egokitzen zaio hareatza horri eta bertan hainbat artistaren eskulturak eta haurrentzako jolastokia nabarmentzen dira. Pasealekua, Zarauzko herri osoa zeharkatu eta auzoko herriraino, Getariaraino, hedatzen da, itsasoari bizkarrik ematen ez dion ibiltoki zoragarri batean.

ZARAUZKO UDALA, tokiko erakunde publikoa, jabetzen da ingurumena errespetatzeak eta natur baliabideak zaintzeak duten garrantziaz. Horregaitik, Udalak bere jardueran gizartearen garapen iraunkorra bultzatzeko, Zarauzko hondartzan ingurumenaren arloan duen jokabidea hobetzeko konpromisoa hartzen du, udalerriko bizitzaren protagonista naturala den heinean.

Udalak hondartzan kutsadurari aurrea hartzeko eta erabiltzaileen ingurumenarekiko jarrera hobetzeko, ingurumena kudeatzeko sistema ezarri du eta ISO 14001 eta EMAS agiriak eskuratu ditu.

      

2016an, Eusko Jaurlaritzako Ingurumen Sailak, ekitaldi publikoan, aintzat hartu zuen Zarauzko Udalak 10 urtez baino gehiago ingurumen portaera etengabe hobetzeko izan duen konpromisoa.

Joaquín Sorolla margolariak Bajo el toldo izeneko koadroan islatu zuen Zarauzko hondartza eta hantxe margoturik ageri dira pintorearen ...
Zarauzko hondartzan lehen aldiz igo izan dira olatuen gainera orain surflari ospetsuak diren kirolariak, hala nola Hodei Collazo, ...
Golf-zelaia inguratuz, Zarauzko hondartzaren ekialdeko muturrak askoz itxura basatiagoa du. Hondartza, harkaitzak eta itsaslabarrak ...

Inprimatu  Inprimatu Bidali posta elektroniko bidez  Bidali posta elektroniko bidez

Erabalitzaileen nabigazioaren analisia egiteko gure cookie-ak eta bitartekoenak erabiltzen ditugu. Nabigatzen jarraitzen baduzu, hauen erabilpena onartzen duzula hausnartzen dugu.
Hemen konfigurazioa aldatu edo informazio gehiago lortu dezakezu.

  • Euskadi Basque Country
  • Destinos Euskadi